مرحبا خواتي كل عام وانتم بالف خير ومبارك عليكم الشهر
مثل منتم عارفين سر المحافظة على البشرة وبياضها الترطيب عندي لكم مرطب من اختراعي انا وماقررت اكتبة لكم الابعد ماشفت نتايجة اللي ماتوقعتها ابدا.انتم عارفين ان لوشنات نكتار وزهور الريف وبودي شوب مهما كانت ريحتها حلوة وتدوووووووووخ الا انها تحتوي على العطور ومع الايام بنسمر بسببها اكيد ريحة حلوة ونعومة لكن ما اعتقد تحافظ على البشرة طبعا خصصت هالنوع من المرطبات لليالي الخاصة او بعض الاوقات وما اعتمدتها لاني لقيت البديل وهو المرطب من اختراعي ولاتخافو ريحتة مرة واااااااااااااو يعني ماراح تتوهقو ابد يامتزوجات طبعا شفت وش تحتاج البشرة وجمعت مابين مرطب ومفتح يعني اثنين بواحد مرطب ومرمم للبشرة تبون تعرفون وش سري
هنا المكونات
نصف علبة زبدة الكاكاو اللي علبتها صفراءطبعا هالزبدة علبتها لونها اصفر ومخصصة للتشققات ومرطبة
نصف علبةزبدة الكاكاو البنية من فازلين وهالزبدة تحتوي على فيتامينE
حبة مسك من عبدالصمد القرشي المكعب تبشرونة وتحطونة ببيالة موية ورد ليلة كاملةطبعا هالشيئين معروفين بالرائحة الحلوة
ربع علبة جل او زيت من بيبي جونسون اختياري
1 فنجان بودرةاختياري اي نوع عندك وتكون ريحتها حلوة انا حطيت بودرة من اجمل اللي لونها عنابي طبعا اختياري ممكن بودرة اي ماركة تحبي
نجي للطريقة تخلطينهم مع بعض الين يتجانسو واذا حسيتي الخلطة قوامها مو كريمي بحيث اذا حطيتيها على جسمك وملمسها ثقيل زودي من عندك من زيت او جل بيبي جونسون حتى تكون مثل اي مرطب
بصراحة انا سويتها لاني جمعت الكريمات المفيدة واضفت بعض الاشياء واستخدمتها بعد الشاور زي اي مرطب وربي ريحتها حلوة انام فيها عند زوجي عايدي وما توقعت النتيجة نعومة وغير كذا احس بشرتي صارت افضل وتشققات كانت عندي اختفت واكيد اذا استخدمتوها بتعجبكم وما ابغى غير الدعاء لي وبالنسبة لي هذا اقل شي اقدمة لكم حبيباتي مقابل خدماتكم لي اللي ماتترددو تقدموها وختاما دمتم لي
موضوع: مرطب ومفتح روووعة ينفع المتزوجات 
الأربعاء أغسطس 11, 2010 7:50 am
