التــــــرجمة الكتابية لجميع حلقات مسلسل الحب ممنوع

اسفة لأني راح ابتدي من الحلقة7 بالتركي والحلقة 14 بالعرب







نبتدي

عدنان بيتكلم مع بهلول:
عدنان بيقول لبهلول انت لازم تحترم زوجتى لو ما كنتش عايزني ابقي ضدك و لو معملتش كده مش هكلمك تاني وكمان قال له انه يرجع يعيش معاهم في البيت تاني لكن بهلول قال له انه عايز ينهي جامعته اولا و ها يفضل في سكنه بره و انه هايجي البيت في الويك اند فقط فوافق عدنان علي الفكرة فورا و علشان كده بهلول حزن لانه كان فاكر ان عمه عدنان هيصر عليه انه يرجع معاه و انه مبقاش يهتم بامره زي الاول ( علشان بهتر لحست عقله و خليته مش دريان بحد حواليه ) .
عدنان و بيهتر بيتكلموا عن بهلول:
عدنان بيقول لبهتر ان بهلول اصبح وحيد لما فقد عائلته لذلك ساعده عدنان و كان بهلول كويس مع كل الناس و كان بيحاول يعمل اشياء حلوة للناس حوله علشان يفضلوا يساعدوه و يدعموه .
مكالمة فيردفيس ( ام بهتر ) مع بهلول:
فيردفيس عزمت بهلول علي العشاء في بيتها ( علشان تغيظ بيهتر و تضايقها ) .
بيهتر غيرت في غرف النوم:
بيهتر نقلت اغراض نهال من غرفة النوم و ادتها لبولنت ففرح و حضنها و قال لها شكرا ماما فنهال تضايقت علشان الغرفة و تضايقت اكتر علشان قال لها يا ماما .
بهلول يقابل نهال امام الديسكو :
بهلول تضايق لما شاف نهال و صاحبتها داخلين الديسكو و قال لها ان هذه الاماكن لا تليق بها و رجعها البيت ( صورتها مع بهلول ظهرت في المجلات و شافها بشير و بولنت و المودمازيل الفرنسية و زعلت من نهال و نهال حاولت تشرح لها و بكت و بهلول طيب خاطرها ) .
العشاء في بيت فيردفيس:
و في النهاية الكل رفع كأسه علشان يشرب في صحة و سعادة بيهتر و عدنان لكن فيردفيس فجأة قالت لبهلول انه لازم يذاكر كويس هذه السنة و ميخليش حد يشرب من ماءه ( المقصود انه ميخليش نيهات ( زوج اخت بهتر ) باخذ مكانه في الشركة و نصيبه في فلوس عمه ) .



الحلقة 8

نهال حزينة ومتضايفة علشان بهترغيرت فى الغرفة ثم جلس معها عدنان يهديها--ولما راح لبهتر قالت ان كان قصدها تفرحهم( و خاصة بولنت 0لانه صغير)
الشغالةالصغيرة الى بتحب بشير (و هو مش حاسس بيها و بيحب نيهال)اخذت المجلات الى فيها صور نيهال امام الديسكو (الملهى الليلى)وو ضعتها فى غرفة
عدنان وبهتر لانها شريرة و بتغير من نيهال --- بهتر شافت صور نيهال فى المجلة ولم تخبر عدنان ----- الشغالين فى المطبخ بيقلدوا بهتر و بيتريقوا عليها
نهال تتحدث مع مربيتها دنيز: و تشتكى من اخوها بولنت علشان قال لبهتر يا ماما
مشكلة فيردفيس(ام بهتر):
فيردفيس عليها ديون كثيرة و لديها شهر واحدفقط لتحل مشاكلها و الا سوف تفقد بيتها و كل ما تملك

فيردفيس ذهبت لبيت عدنان علشان يساعدها و جاءت بهتر من بره و سألتها فيه اى مشاكل --- فقالت لها -- لا انا كنت ماشية 00(0غالبا عايزةعدنان ومش عايزة بهتر تعرف)
بيكر (اخت بهتر )قالت لبهتر :ان وضعهم المالى سىءو حكيت عن البيت و الديون
بهلول يسترق السمع لمكالمة بهتر مع اختهابيكرو جاءت فجأة المربية دنيزو طلبت منه مساعدتها فى غرفتها----- فقال لها ضاحكا ---انتى بتدعينى لغرفتك
بهتر تكلم امها فيدفيس فى التليفون :
بهتر كانت غضبانة و بتزعق فى امها وقالت لها ما تطلبش اى مساعدة من عدنان و انها يجب ان تظل بعيدة عن بيتها و حياتها وانها بتكرها مما جعل فيردفيس حزينة ومحبطة
نهال تخبر والدها عن ذهابها للديسكو:
غضب عدنان منها جدا وقالها اذهبى لغرفتك ولام مربيتها دنيز ان ده حصل---------- بهلول قال لعدنان ان نهال عرفت غلطتها و مش ها تكررها وانها اسفة على الى حصل
و بعدين ذهب لغرفتها لبطمأن عليها
بهلول مع نهال فى غرفتها:
بهلول بيقول لنهال ان لا تحزن ولا تقلق وان عدنان هينسى سريعا الى حصل------ و بعدين ضحك وقال لها انها كانت شجاعة جدا وانه فخور بيها ---
فردت عليه ان ده مش وقت هزاره---
بهلول بيفطر فى المطبخ مع دنيز (المربية):
دنيز قالت لبهلول انه ما يعملش مشاكل بين نيهال و بهتر و انه لازم يساعد نيهال علشان تحب بهتر وما يقولش لينهال اى حاجة وحشة عن بيهتر


الحلقة 9

الشرح:
المشهد الى بهلول قاعد فيه مع بهتر:
بهتر كانت بتقول لبهلول ان هيا معندهاش اى ذكريات حلوة مع امها وان اخر شىء قالته لامها قبل الحادث انها بتكرهها
بهلول قال لها -- بلاش تفكرى تفكير سلبى وان دى مش غلطتك وان شاءالله هتخف فى اسرع وقت
الخناقة بين بهلول ونيهال:
نيهال بدأت تتخانق مع بهلول وقالت له ان بهتر عايزة تاخده منها زى ما عملت مع الأخرين(تقصدان بهتر اخذت ابوها عدنان منها و كمان اخوها) وقالت ان بهتر لم تبكى الا لما بهلول قعد بجوارها وانها بتستغل حكاية حادثة امها و بهلول صدقها--- فغضب بهلول جدا وزعق فيها وقالها ان هى مدللة وان العالم مش بيدور حواليها (0المقصود انها مش هتقدر تخلى كل حاجة زى ماهى عايزة) وقال لها انها طفلة وانها تخطت كل الحدود فزاد غضبها زيادة
مشهد بهلول مع المربية الفرنسية دنييز:
دنييز قالت لبهلول :ان نيهال يمكن تكون بتحبه وانو لازم يعاملها كويس كفتاة كبيرة وليس كطفلة--- بهلول انصدم بكلام دنييز ووعدها انو من هنا ورايح هيعامل نيهال على انها واحدة كبيرة
مشهد العشاء:
بهتر قالت لنهال:انتى عايزانى ابين حزنى على امى ---- انا لست مثلك --انا معنديش اى زكريات حلوة معاها-- مش كل شىء زى قوس قزح (المقصود ان بينها و بين امها مفيش اى حاجة تفرح)--و بعد كده بهلول رفع كاسه وقال فى صحة قوس قزح وهو بيبص لبهتر
بهلول و نهال فى غرفة نيهال:
بهلول طلب من نيهال انها تسامحه وبدأ يقولها هو شايفها ازاى-- قالها انه لسه شايفها فتاة صغيرة وانه مش عايز يصدق ان هيا كبرت --- وقالها انتى غلبانة وحلوة و بريئة--- وعلشان كده مش عايز اشوفك كبيرة ---- خليكى زى مانتى
ياطفلتى الحلوة
بهتر مع امها فيردفيس فى المستشفى:
بهتر بتقول لامها وهى فاكرة انها مش سمعاها:انها مش هتغير رأيها فيها -- حتى بعد كل الى حصل ومع انها لم تذهب مع الراجل الى حبيتيو علشان خاطرهم ( 0هيا واختها) لكن هى لسه بتكرهها وفجأة فردفيس فتحت عينيها وقالت لها سيبونى اموت ---- فبدات بهتر فى البكاء وقالت لها :انتى مش هتموتى انت هتبقى يا فردفيس هانم


الحلقة 10

ازيكم حبايبى ---- اتمنى الكل يكون بخير ---- و على رأى المثل المصرى ---- : قطع العوايد فال--
هأكتبلكم الشرح الى عرفت اجيبو --- علشان يمكن يكون فيه حاجة زيادة تفهمكم اكتر --- واحنا كلنا بنحاو ل نعمل كل الى نقدر عليه علشان منتدانا و بيتنا الجميل يكون اكتر منتدى متميز وفيه كل حاجة -------- وطبعا قبل ما ابدا الشرح --- لازم اشكر حبيبة قلبى galaxy على ترجمة الحلقة و المجهود الى بتبذلو واقول لها احنا تلامذتك يا جميل--- والمنتدى نور بوجودك و بترجمتك
الشرح:
مشهد اليف و بهلول فى الجيم:
يوم السبت كان عيد ميلاد اليف و بهلول كان ناسى --- اليف فكرتو وقالتلو انو هيكون فيه حفلة بهذه المناسبة
مشهد عدنان و والد نيهات ( زوج بيكر -- اخت بيهتر):
عدنان قال لوالد نيهات انو عايز يشترى منزل فيردفيس (ام بهتر) فرد عليه والد نيهات و قالو انو مش هيبيع هذا
المنزل ---- ولكن ان ابنه نيهات رجعلو --- هيرجع البيت لفيردفيس
مشهد عدنان و هو بيتكلم مع بهتر و بهلول دخل فجاة عليهم:
عدنان كان بيتكلم مع بهتر على ديون ام بهتر ( 0فيردفيس)- و قال لبهتر انو هيدفع لامها كل ديونها --- فسمعهم بهلول و هو داخل --- وانصدم

رحلة عدنان و عيلته و المربية :
ذهبت العائلة لانقرة بسبب الماتش النهائى لبولنت فى الباسكت بول
مشهد بهتر و بهلول فى غرفة نوم بهلول:
بهتر بتقول لبهلول : انت لازم تاكل حاجة --- فرد عليها بهلول و قال لها : انا مش قادر افتح عينيا --- ازاى هأكل-- بهتر قالتلو انا هأجيبلك حاجة تخليك تشعر انك احسن ---- فقالها : انا عايز انام

بهتر جابت لبهلول الى حضرتو--- وقالتلو انو لازم يشربو وسوف يشعر بتحسن---- فوافق بهلول --- و فى الاول شمو
وبهتر قالتلو ده مش سم يلا اشربو

مشهد بهتر و هى نايمة على الكنبة:

بهتر كانت نايمة على الكنبة --- بهلول قرب منها وابتدى يحس ببعض المشاعر ناحيتها--- ناداها و قالها --- اذهبى الى سريرك --- فقالتلو : انت حاسس انك احسن -- فقالها : ايوه انا احسن --- بس انا جوعان--- فردت بهتر و قالتلو --- هأروح اعملك حاجة تاكلها--- فقال لها --- لأ انا هأعمل لنفسى ---- قالتلو انت عيان -- انا هعملك حاجة تاكلها---
وبعدين بهلول حس انو هو مش قادر يسيطر على نفسه ( من الحركات الى هىا بتعملها ) فقال لها روحى انت نامى --- فقالتلو طيب زى ما تحب(الكلام ده كان فى المطبخ)
مشهد بهلول مع فيردفيس -- ومعاهم بهتر:

بهلول بيقول لفيردفيس انو مش هيقدر يبوسها علشان هو مريض--- فبهتر قالت لها انو كان مريض الليلة السابقة اوى

وبهلول قال ان بهتر عملتلو حاجات خليتو اتحسن و اصبح اليوم احسن --- فردت فيردفيس و قالت : كويس ان بهتر لم تذهب الى انقرة
واخيرا----- فيردفيس بدأت تحس ان فيه شىء جديد بين بهتر و بهلول

الحلقة 11

بهتر و عدنان يتحدثوا عن الحمل فى غرفة النوم :
بهتر قالت لعدنان ان الوقت مبكر على ان يكون عندهم طفل 0 وانه من الافضل الانتظار وقت اطول --عدنان جاوبها و قال لها انها لازم تفكر تانى فى الموضوع -- وبعدين يتخذوا القرار الصحيح -- وده كان اتفاقهم
سبب المشاجرة بين عدنان و بهتر :بهتر تذهب الى الطبيب و تجرى عملية تسقيط دون ان تخبر احد ---- بهتر لما رجعت البيت فى المساء -- عدنان سألها ليه شكلها تعبان --- فقالتلو انها عملت عملية و سقطت البيبى --- عدنان اتنرفز و اصبح عنيف و اتجنن و سألها هى ازاى تعمل كده بدون اذنه--- ردت بهتر و قالت له : انهم اتناقشوا فى الموضوع ده امس و اتخذوا قرارهم بالفعل (زى ما شفتوا كانت فى منتهى البرو د)
عدنان بعد ما زعق معاها --- خرج بره ---- والكل عرف انه متضايق ---- و بعدين عرفوا ان بهتر كانت حامل و سقطت --- و الكل كان مندهش و مستغرب ماعدا واحد كان باين على شكله انه مبسوط بخبر التسقيط لان عدنان كان قاله فى العربية ان بهتر حامل -- و هو طبعا بهلول
المشهد فى غرفة الطعام :
جاء تليفون لعدنان -- ان عم بهلول مات --- و ده عمه الحقيقى -- اما عدنان يبقى ابن عم ابو بهلول --- بهلول اتضايق
ولما ذهب لغرفته -- قعد يبكى لوحده ( والله خلى قلبى يتقطع --- ممثل بارع )--- و بعدين قعد يتذكر انه لما كان طفل صغير و مات ابوه و امه --- كان مفروض الى يرعاه هذا العم الى مات --- و دار حوار بين عدنان و هذا العم والعم قال لعدنان انه مش هيقدر يهتم ببهلول -- فعدنان رد و قاله انه سوف يهتم به عدنان و بهلول سافروا لحضور جنازة عم بهلول :
كانوا فى السيارة و عدنان قال لبهلول ان بهتر حامل ---- بهلول انصدم
مشهد بهلول و نيهال فى غرفة بهلول :
بهلول كان حزين على عمه الى مات وبيقول لنيهال انه فقد ابوه و امه --- ودلوقت فقد عمه-- وبيقولها انه بيحب عمه بالرغم انه لم يساعده و يرعاه و هو طفل صغير
مشهد فردفيس ( ام بهتر ) وهى تبكى فى غرفتها :
فردفيس كانت تبكى و تصرخ علشان مفيش حد رضى يشترى العفش بتاع بيتها (بيكر اخت بهتر كلمتها وفى التليفون و قالت لها ان العفش لم يباع) وبدأت تقول يادى الكسوف يادى الخجل --- انا معنديش فلوس --- و اتمنى انى اموت
عدنان كان غاضب من فيردفيس علشان سمعها بتقول لبهتر --ان البيبى هو الى هيضمن حياة كويسة لبهتر ( طبعا قصدها انه عن طريق الطفل سوف نضع يدها على ثروة عدنان )
مشهد الخناقة بين جميلة و شغالة فيردفيس :
شغالة فيردفيس عاجبها بشير و ماشية وراه فى كل حتة --- ده جنن جميلة و خلاها تضربها -- فراحت اشتكت لفردفيس -- فردفيس سلطت بهتر و بعدين بهتر سمعت جميلة غالبا بتتكلم على الام و شغالتها فاتجننت و كانت هتضربها -- ثم طردتها هى و امها و ابوها لكن عدنان لما جه من العزا -- خلاهم يقعدوا وده غاظ بهتر و جننها ( يعنى كده مالهاش كلمة فى البيت )
بهلول و بهتر :
بهلول هنا بهتر بالحمل و قال ان عدنان قاله -----
ده كل الى قدرت اعرفه وارجو ان الصورة تكون اتضحت ---------- شكراوان عرفت حاجة تانية هضيفها هنا
اجزاء جديدةمترجمة ---( علشان خاطر حبيبة قلبى جلاكسى):
بهلول يتكلم مع بيكر (اخت بهتر)قبل العشاء:
بهلول يمزح مع بيكر و بيقولها شكلك جميل دلوقتى--- زمان كنتى نحيفة --- انما دلوقتى --انت سمينة بس جميلة فردت بيكر و قالتلو يوقف مزح وهزار معاها -- فقال لها اوكى وهو بيضحك-- و قالها انه بيهزر
نيهاد لاحظ ذلك و الكلام ده معجبوش و هما مروحين فى العربية قال لها : مفيش داعى انك تكونى قريبة اوى كده من بهلول-- وانه مش مرتاح لكده
بهلول مع اليف فى معرض العربيات بيختار عربية جديدة و بيكلم عدنان فى التليفون:
بهلول عايز يشترى عربية جديدة و كان متحمس جدا و كلم عدنان علشان يستلف فلوس منه و لما بهلول يورث من عمه المتوفى --- هيبقى يرجع الفلوس لعدنان --- عدنان وافق اته يسلفه الفلوس




الحلقة 12


مشهد فيردفيس و بهتر :

فيردفيس قالت لبهتر بلاش تتقربى لبهلول ----- انتى شابة و عدنان راجل كبير --- والتقارب بينك و بين بهلول هيخلى عدنان حزين و مش مرتاح
الحوار فى غرفة بهلول و بهتر (فى البلكونة):
انت لسه مريض-- لبه قاعد فى البلكونة فقال لها انه كويس---- وبعد كده ---قربت منه و حاولت تشوف حرارته بايدها
لكنه ابتعد عنها وقال لها مفيش داعى و انه كويس
مشهد الافطار و الحوار بين بهلول و بهتر:
بهتر قالت لبهلول انه لازم يلبس جاكت فرد بهلول بسخافة و قالها انه مش طفل ---- وان دور الام و الطفل انتهى ---
بهتر حزنت -- ونيهال كانت مبسوطة انه رد عليها بسخافة
مشهد بهلول مع زميلته بالجامعة:
الزميلة كانت بتتكلم عن عائلة بهتر وقالت ان الاب مات علشان اكتشف ان فيردفيس كانت بتخونه مع عشيقها وقالت ان بهتر شافت كل الى حصل --- فرد بهلول و قال لها ان ده مش صحيح وان هو و بيكر( اخت بهتر) كانوا على علاقة---- فكان مفروض يعرف بالى حصل----فقالتلو --- انهم فى الوقت ده كانوا انفصلوا
مشهد بهلول ونيهال وهما بيضحكوا مع بعض و بهتر مرت عليهم :
مرت بهتر عليهم و قالت لهم ان صوتهم عالى ---- فنهال ردت عليها بطريقة مستفزة --ايه الى حصل يعنى ---- ده هيخلى مامتك ( فيردفيس) مش مرتاحة --- وده خلى بهتر متغاظة----- (باين ان بهتر بدأت تغير على بهلول من نيهال)
مشهد بهلول و هو بيكلم بهتر فى التليفون :
بهلول سأل بهتر -- اذاكان ممكن ياخد منها الوصفة الى خليتو يخف علشان هيعطيها لواحد صاحبه مريض (ودى غالبا كانت حجة علشان يكلمها ) ثم اعتذر منها على سوء سلوكه عند الافطار
الحوار بين بهلول و نيهال فى الغرفة :
بهتر قال لنيهال انه امبارح كان عنده حمى --- و ان بهتر اعطت له خلطة خليته كويس --- فردت نيهال و قالت له : ان بهتر بتعمل كده علشان تتقرب له --- وعلشان تمثل ان قلبها طيب---------- و لما مشى بولنت -- نيهال سألت بهلول -- هو بيقرأ ايه -- وخدت الكتاب من ايده --- بهلول قال لها : خديه لو كنتى عايزه ----- قالت له : انها متحبش هذا النوع من الكتب----- وبعد كده بهلول قال لها انه عايز يذهب الى اليف علشان عيد ميلادها كان امبارح و هو لم يذهب وهى زعلانة - نهال قالت له: انه مريض ومفيش داعى انه يروح ---- فقال لها : انه فعلا مزاجه سىءو مش عايز يروح --- بس للاسف لازم يروح وطلب منها مغادرة الغرفة لتبديل ملابسه-- (لاحظوا الطريقة الى بصيتلوا بيها نيهال -- بدا تحس انه عاجبها)
مشهد غرفة نيهال ومعاها بهلول والمربية دنيز:
بهلول و دنييز قالو لنيهال انها لازم تعتذر لبهتر علشان الطريقة و الكلام الى قالته ليها --- نيهال ردت وقالت ان هيا معملتش حاجة تستاهل الاسف---- رد بهلول و قال لها انها لازم تعتذر --- فردت و قالت طيب --- هعتذر بعد غسبل ايديا و تبديل ملابسى(غالبا بتزحلقهم )
نهال سألت بهلول :اليف سامحته ---- فقال لها -- ايوه ---- نيهال قالت له : انها لو مكان اليف كانت تركته وراء الباب و مخليتهوش يدخل--- وبعدين ابتدوا يمزحوا مع بعض--------
المشهد الاخير : بهتر مع امها و اختها :
بهتر قالت لامها انها حامل ---- فردفيس (الام ) فرحت اوى ردت بهتر و قالت لها : ايه الى حصل -- انت طول الوقت تقولىلى ان انا صغيرة -- ولسه بدرى على الاولاد --- ردت الام و قالت لها : انده ابن عدنان وده هو الى هيضمن لها حياتها المستقبلية معاه وانها كده هتاخد كل ما يملك ---- عدنان سمعها واتجنن


الحلقة 14

مشهد عدنان لما يشوف بهلول و بهتر عند قبر ابو بهتر :
عدنان بيقول : انا لما شفت عربية بهلول فى الخارج عرفت يا بهتر انك مش لوحدك وده خلانى اطمأن عليكى . ولما عدنان و بهتر ذهبوا للعربية ------ بهلول قال : الحبايب لما يوصلوا لبعض بهلول يمشى -- فرد عليه عدنان و قاله : شكرا لانك لم تترك بهتر لوحدها فرد بهلول وقال لعدنان : بهتر كانت محبطة جدا وانا خليتها تركب معايا بالعافية -- فردت بهتر و قالتلو شكرا لتصرفك كصديق جيد
مشهد فردفيس وهى بتكلم ابنتها بيكر:
بيكر بتقول لامها ان نيهات زوجها رجع المنزل وان عدنان ذهب للمقابر فردت فردفيس و قالت شكرا لله -- انا اشعر بالراحة الان --- فردت بيكر و سألتها : لماذا بهتر فى المقابر ليلا ---- فردت فردفيس وقالت : بهتر حكيمة اكتر مما كنت اظن --- هذه اليلة سوف تسترد زواجها مرة اخرى
مشهد بهلول فى البار والبنات يتحدثون عنه :
البنات فى البار اصحاب اليف كلموها و قالوا لها ان بهلول قاعد فى البار فقالتلهم هو لوحده --- قالوا لها ايوه وهو قاعد بيشرب و حزين اوى فردت اليف وقالت اوه ده حزين علشانى -- و مفتقدنى -- انا هكلمه حالا
نهال تتكلم مع بهلول :
نهال تعزم بهلول وتقول له اذا كان هناك مشاكل بينه و بين اليف لكنه لم يجاوبها كويس
بهلول يتحدث مع عدنان بالقرب من عربية بهلول:

بهلول قال لعدنان : انا عايز اقول حاجة بخصوص الليلة الماضية : انا عايز اعتذر عن حكمى السىء بخصوص بهترلما اتجوزتها ------انا قلتلك انها اتجوزتك علشان فلوسك -- لكن انا كنت غلطان -- هى حقيقى بتحبك فرد عليه عدنان وقاله : انه مبسوط انه يسمع الكلام ده و قاله : انا بشكرك مرة تانية علشان لم تتركها لوحدها فرد بهلول و قاله : انا كنت سواق فقط وكنت خائف من الذهاب بهذا الوقت للمقابر
نيهال سوف تعزف على البيانو فى حفلة و قد عزمت الكل ولكن ابوها عدنان قال لها انها تقول لجميلة و ابوها وامها انهم ميجوش ( و ده غالبا بناء على رغبة بهتر و امها )-- فذهبت نيهال وهى تبكى بصورة مؤثرة وقالت لهم
انهم لا يذهبوا للحفلة --- وفى مشهد مؤثر اخر ذهبت جميلة غرفة نومها و قعدت تقطع فى فستانها -----
فردفيس تتحدث مع بناتها بهتر و بيكر :
وتقول ان عدنان بعد الصلح اكيد هيجيب هدية لبهتر
اليف تتحدث مع بهلول فى الجامعة :
اليف تقول لبهلول : انا سمعت انك كنت فى البار و حزين --- انت مفتقدنى ؟- رد بهلول : دلوقت انتى بعتى حد ورايا يراقبنى --- انا لازم اروح المحاضرة --- اليف قالتلو هانتظرك--- فقال لها طوال اليوم عندى محاضرات -- قالتلو --- طيب و فى المساء -- رد و قالها مشغول --- قالتلو -- يوم السبت -- قالها هناك حفلة نيهال ثم رحل
مشهد بهلول يتكلم مع اليف فى الجيم:
بهلول يقول لاليف : انتى بتعملى ايه هنا --- قالتلو انت مش فاكر و لا ايه -- انا باتمرن هنا --- بهلول قالها : انتى اتغيرتى
انا حاسس انى معرفكيش ------ فردت و قالتلو -- وانت كمان اتغيرت --- اذهب و روح اعتنى بعيلتك -- وخاصة زوجة عمك ( المقصود بهتر)
مشهد العائلة تستعد للذهاب لحفل نيهال و الكل فى منتهى الاناقة :
بهلول بيقول : وااو ايه السيدات الجميلات دول ثم استدار ناحية نيهال و قالها : انت جميلة اوى يا نيهال -- ازاى انا مخدتش بالى قبل كده --- و بعدين قال لعدنان -- انكل -- احنا فى السماء


مشهد العشاء : الكل يتكلم عن نيهال و عدنان بيقول ابنتى بتكبر -- شكرا ليكى يا دنيز ( المربية)ولمجهودك معها
فرد بهلول وقال : لكن مظنش ان فيه اى حد هيجى ويطلبها للجواز -- وهتفضل قاعدة طول عمرها فى البيت
لكن كلهم قالولو -- بلاش تزعج نيهال
بعد انتهاء حفلة نيهال :
الكل يهنىء نيهال -- وبهلول بيقول لها : انا مش قادر اصدق انت كنتى رائعة
العائلة تذهب للعشاء احتفالا بنيهال :
فردفيس عند دخولها المطعم وجدت ابو نيهاد ( نيهاد زوج بيكر ) فقالتلو انت قاعد بتحتفلبخصوص بيتى -- فقالها لا -- والموضوع انتهى بينى و بينك --- ككن هى ردت و قالتلو -- لكن الموضوع لم ينتهى بينى و بينك -- وطبعا سكبت عليه كأس الشمبانيا زى ما شوفتوا و هو حاول يضربها لكن عدنان دافع عنها و كان هيمسك فيه و بهلول تدخل
ملحوظة :عدنان يهدى المربية دنيز حلق الماظ عرفانا بجميلها فى تربية نيهال ---- وبهتر وامها انصدموا لانهم كانوا فاكرين انه هدية لبهتر

الحلقة 15


مشهد بهلول ونيهال و بولنت والمربية دنيز فى السيارة :
نهال بتقول لبهلول : فردفيز مرة اخرى تدمر كل شىء وتضع ابى فى موقف محرج و تخجله--- وليه يابهلول اخذتنا للمكان -ده-- ولماذا لم تحاول منعها من ان تفعل ذلك
بهلول قال لنهال : -- انا عارف ان الليلة دى ليلتك -------هدى حالك--- بولنت تدخل فى الحديث وقال: هى بيكر هتموت -- زى ما ماتت ماما وهى بتولد--- فردت دنيز وقالتلو امك لم تمت بسببك ( وهى بتولده )-- بل كانت مريضة --- بهلول يقول لنيهال مرة اخرى -:اهدى -- البيبى ميعرفش ان الليلة دى الحفلة بتاعتك ---- وعايز يأتى للعالم بسرعة جدا
مشهد نيهال مع بيهلول بجوار غرفة نيهال:
بيهلول يقول لنيهال : الليلة كانت ليلتك -- وانت كنتى رائعة --- وانا فجأة عرفت ان البنت الى كانت طفلة--- وبتغضب زى الاطفال --- اصبحت شابة صغيرة جميلة--- حقيقى انت رائعة ---- نيهال ردت عليه وقالت : شكرا --- انا عايزة اغير فستانى
مشهد محادثة بهلول و اليف :
اليف تكلم بهلول فى التليفون و تعتذر ان هيا ايقظته من النوم --- وتقولو :انا عايزة اعرف ايه الى حصل بيننا -- وليه عملنا كده --- رد عليها بهلول -- وقالها : انتى عايزة ايه --- وليه بتتكلمى مبكرا فى الصباح --- لم يعدهناك بينى و بينك اى شىء---- فردت اليف و قالتلو 0:------- طيب تعالى خد حاجتك -- فقالها : انا لن احضر لاخذ الاشياء --- تقدرى ترمى كل حاجاتى بره -- انا مش عايزهم
مشهد الافطار : عدنان يتكلم مع نيهال و بيهلول و فردفيس :
عدنان يتكلم عن نيهال فى الليلة الماضية و يقولها : انا فخور بيكى --- انتى كنت رائعة -- وبهلول قال لها نفس الكلام --- لكن فردفيس كانت حزينة علشان الى حصل الليلة الماضية فى المطعم
مشهد نيهات مع زوجته بيكر فى المستشفى لما شاف الورد الى بعثه بيهلول :
نيهات لما شاف الورد تذكر الورد الى لقاه مع بيكر ليلة عرسهم وسألها من مين --- لكنها كذبت عليه --- لكنه اكتشف الان مين الى ارسله لما شاف الورد فى المستشفى --- وقال لبيكر : شىء لطيف ان بهلول يبعث ورد فى كل مناسبة ( لاحظوا ان بهلول لما بيكر تعبت فى اول الحلقة --كان مهتم وقلقان عليها --- على اساس ان كان فى بينهم علاقة يوما ما -- والظاهر ان لسه فيه قليل من المشاعر ناحيتها )

مشهد الحديث بين بيهلول و بولنت و نيهال و بهتر عن شجار بيهلول واليف على التليفون :
بولنت بيقول لبهلول : ايه رأيك نلعب ماتش بسكت بول--- رد بهلول : وقاله انا مش عايز ---
بهتر قالت لبولنت : من الاحسن انك تترك بيهلول فى حاله اليوم --- بهلول ظن ان بولنت قال لبيهتر عن المشاجرة بينه وبين اليف --- لكنها قالتلو : انت كنت بتزعق و صوتك عالى --- علشان كده انا فهمت ايه الى بيحصل --- تدخلت نيهال و قالت لبهلول :لو مكنتش عايز حد يعرف اى شىء عن حياتك --- تقدر تبعت جواب او ترسل ايميل وبالطريقة دى محدش يعرف اى شىء عن احاديثك
ردت بيهتر و قالت : يمكن اليف عندها مشكلة فى اذنيها --- ولازم تشوف طبيب

مشهد حديث بهتر و فردفيس فى السيارة :
فردفيس سالت بيهتر ايه الى حصل بينك و بين عدنان -- انا شايفة انكم مش كويسين --- ردت بيهتر -- : وقالت لها --- انت هتبتدى مرة تانية --- انا هبتدى ابحث لك عن مكان تقيمى فيه -- علشان انا قلتلك ---- انك تقعدى فى البيت معايا لغاية ما تشفى --- و دلوقت انت اصبحت كويسة
يبقى لازم تمشى --- فردفيس تفاجأت بهذا الكلام -- لكنها قالت لها -- طبعا اكيد همشى
مشهد محادثة نيهال و بشير :
نيهال تقول لبشير : انت ليه زعلان منى --- بشير يرد عليها و يقولها : يعنى انت مش عارفة ليه ---علشان جميلة و اسرتها -- انتى دعتيهم فى الاول و بعدين قلتى لهم ان لا يحضروا -- مع ان كان فيه اماكن وكان ممكن يحضروا --- وجميلة اشترت فستان جديد و حذاء جديد -- ولما انتى عملتى كده --- قطعت الفستان بالمقص--- وانا اتضايقت منك لانى لم اتوقع انك تعملى كده

مشهد العشاء و فردفيز تخاطب نيهال :

فردفيزقالت لنيهال انتى زعلانة منى علشان الى حصل بعد حفلتك --- فردت نيهال و قالت لها لأ
فردفيس قالت لنيهال :انت كنت رائعة ولازم تكملى دراستك و تسافرى بلد تانية فردت نيهال وقالت لها : انا هكمل دراستى هنا و مش هسافر لاى مكان و بعدين التفتت لابيها عدنان -- فقال لها طبعا حبيبتى -- اعملى الى انت عايزاه
مشهد بهتر و بيهلول يتحدثون على العشاءو عدنان يستمع لحوارهم و يبدو عليه انه مش مبسوط بالحديث :
بهلول بيقول انا عايز اذهب لبرشلونة -- فنيهال سألته وهتعمل ا يه ---بخصوص السنة الجديدة فرد بيهلول و قال : انا هارجع قبل السنة الجديدة بيوم واحد --- بهتر قالت :لو كنت مكانك يا بهلول كنت قعدت هناك و استمتعت باسبانيا --- وده خلى بيهلول و عدنان استغربوا
مشهد بهلول و بهتر فى غرفة المعيشة لما جميلة سكبت الكأس على تليفون بهتر :
بهلول يسأل بهتر لو كان تليفونها جرى له حاجة -- فردت بهتر و قالتلو -- انا بجربه--- فسالها بهلول : اين الجميع -- بهتر قالت : عدنان بيلعب مع بولنت و نيهال --- فقالها : طيب انا رايحلهم و سالها بيكر عاملة ايه النهارده -- انا مسمعتش اخبارها النهارده --- ردت بيهتر و قالتلو : لكن ورودك كانت هناك -- بهلول ضحك و قال لها انا بعت الورد للاتنين ( تقريبا المقصود بيكر و زوجها ) ---
بيهتر ضحكت و قالتلو --- ايوه واضح

مشهد بيهلول و نيهال فى النهاية :

بهلول رجع مبكرا وسأل نيهال انتو كنتوا فين --- فقالتلو : ذهبنا للتسوق و اشترينا هدايا --- فسألها بيهلول : طيب -- اشتريتى لى هدية--- فردت وقالتلو : انت اشتريت لى هدية--- وبعدين قالوا لبعض احنا هنشوف بعض فى البيت

ميرسي كثير يا عمري

يسلمووووويــــاحبي
الله يعطيكـ الف العافيه

يسلموووووو على الترجمة